«Բարսելոնան» Դեմբելեի եւ Կոուտինյոյի համար ստիպված կլինի վճարել 300 միլիոն եվրո
21:37 18 օգոստոսի, 2017«Լիվերպուլի» բրազիլացի կիսապաշտպան Ֆիլիպե Կոուտինյոյի եւ Դորտմունդի «Բորուսիայի» ֆրանսիացի հարձակվող Ուսման Դեմբելեի տրանսֆերների համար «Բարսելոնան» ստիպված կլինի վճարել 300 միլիոն եվրո (յուրաքանչյուրի համար՝ 150 միլիոն), գրում է Marca-ն:
Կատալոնական ակումբի տնօրեն Պեպ Սեգուրան նշել էր, որ առաջիկա օրերին երկու ֆուտբոլիստներն էլ կտեղափոխվեն «Բարսելոնան», սակայն «Լիվերպուլի» եւ «Բորուսիայի» ներկայացուցիչները կասկածի տակ դրեցին Սեգուրայի լավատեսությունը:
Նեյմարին 222 միլիոն եվրոյով ՊՍԺ-ին վաճառելուց հետո «Բարսելոնան» չինական «Գուանչժոու Էվերգրանդից» 40 միլիոն եվրոյով գնել է բրազիլացի կիսապաշտպան Պաուլինյոյին եւ 9 միլիոն եվրոյով Կոլումբիայի հավաքականի եւ բրազիլական «Պալմեյրասի» պաշտպան Մինային, որը «Բարսելոնային» կմիանա հունվարին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։