Բրազիլիայի հավաքականի կիսապաշտպան Պաուլինյոն մեկնաբանել է իր տեղափոխությունը չինական «Գուանչժոու Էվերգրանդից» կատալոնական «Բարսելոնա»:
«Սկզբում ես կասկածում էի, որ դա նպատակահարմար կլինի ինձ համար: Ես երջանիկ էի Չինաստանում, բայց հետո որոշեցի դրական պատասխան տալ, քանի որ խոսքը «Բարսելոնայի» մասին է: Ես ցանկանում էի դառնալ այսպիսի ակումբի խաղացող: Իմ հարազատները գիտեն, թե ինչ դժվարությունների միջով են անցել մինչեւ այստեղ հայտնվելը»,- Պաուլինյոյի խոսքը մեջբերում է Marca-ն:
«Բարսելոնան» 29-ամյա ֆուտբոլիստի համար վճարել է 40 միլիոն եվրո: Նա հանդես կգա 15 համարի մարզաշապիկով:
2013-2015 թվականներին Պաուլինյոն ներկայացրել է Լոնդոնի «Տոտենհեմը»: 2011 թվականից նա Բրազիլիայի հավաքականի խաղացող է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։