Լոնդոն-2012. Հայ օլիմպիականները. Նորայր Վարդանյան
17:23 24 հուլիսի, 2012NEWS.am Sport-ը ներկայացնում է 30-րդ Օլիմպիական խաղերում Հայաստանի ներկայացուցիչներին։
Նորայր Վարդանյան. ծանրամարտ, 94 կգ քաշային կարգ
Ծնվել է 1987թ. մայիսի 15-ին։
Նորայր Վարդանյանը հայ լեգենդար ծանրորդ Յուրի Վարդանյանի որդին է: Օլիմպիական մրցաշարը 25-ամյա Նորայր Վարդանյանի համար կլինի առաջին խոշոր մրցաշարը: 2010-ին նա մասնակցել է մինչեւ 23 տարեկանների Եվրոպայի առաջնությանը եւ զբաղեցրել է 5-րդ տեղը:
Հայաստանի հավաքականի նախավերջին հավաքի ժամանակ Նորայր Վարդանյանն արդյունքով կարողացավ տեղ նվաճել այն չորս օլիմպիականների շարքում, ովքեր հանդես կգան Լոնդոնում:
Անհատաական մարզիչն է Յուրի Վարդանյանը։
Հավաքականի մարզիչն է Պողոս Պողոսյանը։
Պողոս Պողոսյան
«Մենք մեր բոլոր մարզիկների ելույթների հետ էլ հույսեր կապում ենք: Բնականաբար Օլիմպիական խաղերին մասնակցելու ենք ոչ միայն օլիմպիական սկզբունքով: Մեզ համար ոչ միայն կարեւոր է հանդես գալ Լոնդոնում, այլ կարեւոր է մեդալներ նվաճել ու արժանիորեն ներկայացնել մեր երկիրը: Արդյունքների մասին չեմ ցանկանում խոսել: Ժամանակը ամեն ինչ ցույց կտա: Ես միայն եւ միայն հաջողություն եմ ցանկանում մեր մարզիկներին, քանի որ լավ նախապատրաստությունը եղել է, եւ մնում է միայն մրցահարթակում ցույց տալ այն, ինչին ընդունակ են մեր մարզիկները»:
Սամվել Խաչատրյան. Հայաստանի ծանրամարտի ֆեդերացիայի նախագահ
«Շատ կարեւոր էր, որ մեր հավաքականի կազմում չորս տեղերի համար պայքարի մեջ էին մտել համարյա կրկնակի անգամ ավելի ծանրորդներ: Ընտրվել են այն մարզիկները, որոնք ավելի լավ արդյունք են ցույց տվել: Նորայրի համար լավ փորձություն է լինելու Օլիմպիական խաղերը։ Հուսանք, որ մարզիկն այդ փորձության միջով հաջող կանցնի»:
Նորայր Վարդանյանը օլիմպիական մրցահարթակ դուրս կգա օգոստոսի 4-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.