Մադրիդի «Ռեալը» նվաճեց Իսպանիայի սուպերգավաթը: Պատասխան խաղում ֆրանսիացի Զինեդին Զիդանի գլխավորած թիմը դարձյալ հաղթանակ տարավ «Բարսելոնայի» նկատմամբ՝ 2:0:
Մադրիդում տեղի ունեցած հանդիպման հաշիվն արդեն չորրորդ րոպեին հեռվից կատարած գերազանց հարվածով բացեց իսպանացի կիսապաշտպան Մարկո Ասենսիոն: 39-րդ րոպին ֆրանսիացի հարձակվող Քարիմ Բենզեման փայլուն օգտագործեց բրազիլացի պաշտպան Մարսելոյի փոխանցումը եւ գրավեց գերմանացի Մարկ-Անդրե Տեր Շտեգենի պաշտպանած դարպասը:
Հիշեցնենք, որ Բարսելոնայում տեղի ունեցած առաջին խաղում Արքայական թիմը հաղթել էր 3:1 հաշվով:
«Ռեալը» 10 անգամ է դարձել է Իսպանիայի սուպերգավաթակիր, «Բարսելոնան»՝ 12:
«Ռեալը» նվաճել էր նաեւ Եվրոպայի սուպերգավաթը՝ 2:1 հաշվով հաղթելով «Մանչեսթեր Յունայթեդին»:
Իսպանիայի Սուպերգավաթ, պատասխան հանդիպում
«Ռեալ» - «Բարսելոնա»՝ 2:0 (առաջին հանդիպում՝ 3:1)
Մարկո Ասենսիո, 4, Քարիմ Բենզեմա, 39
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։