ԱԱ-2019. Հայաստանի հավաքականը պարտվեց Շվեդիայում

22:49   16 օգոստոսի, 2017

Բասկետբոլի տղամարդկանց Հայաստանի ազգային հավաքականը 2019թ. աշխարհի առաջնության ընտրական մրցաշարի նախնական փուլի 5-րդ տուրում հյուրընկալվեց Շվեդիայի հավաքականին եւ պարտություն կրեց 70:93 հաշվով:

Առաջին երկու քառորդներում Հայաստանի թիմը պարտվեց 23:10 եւ 33:22 հաշվով: Մեծ ընդմիջումից հետո խորվաթ Նիկշա Բավցեւիչի գլխավորած թիմը կարողացավ հավասարեցնել խաղը՝ 18:17, 20:20: Բայց առաջին կեսում կորցրածը հետ բերել չստացվեց:

A խմբի 5-րդ տուրի մյուս խաղում Բոսնիա-Հերցեգովինայի հավաքականը հյուրընկալվելիս 92:74 հաշվով հաղթեց Սլովակիայի թիմին:

Բոսնիան, Հայաստանը եւ Շվեդիան ունեն 8-ական միավոր, Սլովակիան՝ 6:

Օգոստոսի 19-ին կայանալիք վերջին տուրում Հայաստանի հավաքականը կընդունի Բոսնիա-Հերցեգովինայի թիմին, շվեդները տանը կմրցեն Սլովակիայի հավաքականի հետ: Ընտրական մրցաշարի հիմնական փուլի երկու ուղեգրերի հասցեատերերը A խմբում հայտնի կդառնան միայն վերջին տուրի հանդիպումների արդյունքում: Հաջորդ փուլ դուրս գալու համար Հայաստանի հավաքականին անհրաժեշտ է հաղթանակ:

Հիշեցնենք, որ ԱԱ-2019-ի նախորդ չորս տուրերում Հայաստանի հավաքականը տնային հաղթանակներ է տարել Սլովակիայի (75:61) եւ Շվեդիայի (82:69) նկատմամբ, Սարաեւոյում պարտվել է Բոսնիա-Հերցեգովինային (85:98), Բրատիսլավայում հաղթել է Սլովակիային (92:78):

ԱԱ-2019. Ընտրական մրցաշար, նախնական փուլ

A խումբ, 5-րդ տուր

Շվեդիա - Հայաստան՝ 93:70 (23:10, 33:22, 17:18, 20:20)

Սլովակիա – Բոսնիա-Հերցեգովինա՝ 74:92 (22:30, 23:25, 8:25, 21:12)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։