Ռումինիա - Հայաստան. Հայ երկրպագուներին տոմսերը կվաճառվեն 3.30 եվրոյով
19:48 16 օգոստոսի, 2017Ֆուտբոլի աշխարհի առաջնության ընտրական մրցաշարի Ռումինիա - Հայաստան հանդիպման տոմսերը հայ երկրպագուները կկարողանան ձեռք բերել օգոստոսի 31-ին՝ ժամը 12:00-19:00, եւ սեպտեմբերի 1-ին՝ 12:00-ից մինչեւ հանդիպման մեկնարկը Բուխարեստի «Արենա Նացիոնալա» ստադիոնի՝ հայ երկրպագուների համար հատկացված տոմսարկղից, հաղորդում է ՀՖՖ կայքը:
Տոմսարկղի վրա կլինի ցուցանակ՝ «Հայ երկրպագուներին հատկացված սեկցիայի տոմսերի վաճառքի կետ» գրությամբ: Սկզբնապես հայ երկրպագուների համար վաճառվելու են մարզադաշտի N 126 սեկցիայի տոմսերը: Տոմսերի վաճառքի թվից ելնելով՝ հայկական կողմին կարող են տրամադրվել նաեւ 125, 355 եւ 357 սեկցիաները: Տոմսերի արժեքն է 15 ռումինական լեյ (3.30 եվրո, Հայաստանի ԿԲ-ի փոխարժեքով 1 լեյը հավասար է 122 դրամի): Տոմսերը գնելիս անձը հաստատող փաստաթուղթ ներկայացնելը պարտադիր է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։