Գագիկ Ծառուկյանն ուղերձ է հղել հայ օլիմպիականներին
15:42 24 հուլիսի, 2012Հայաստանի ազգային օլիմպիական կոմիտեի նախագահ նախագահ Գագիկ Ծառուկյանն ուղերձ է հղել 25 հայ մարզիկներին, որոնք կմասնակցեն հուլիսի 27-ին մեկնարկող Լոնդոն Օլիմպիական խաղերին:
«Հարգելի օլիմպիականներ, մարզիչներ, մասնագետներ: Մեկնարկում են Լոնդոնի Օլիմպիական խաղերը: Բազում մասնակիցների հետ մրցասպարեզներում նաեւ դուք պետք է ցույց տաք ձեր հմտությունները: Հուսով եմ, որ դուք կդրսեւորեք անկոտրում կամք, հաղթանակի ձգտում եւ աչքի կընկնեք բարձր արդյունքներով, քանզի ինքներդ եք գիտակցում հաջողության կարեւորությունը:
Սիրելի մարզիկներ, ձեր մրցելույթներին ուշադրությամբ կհետեւեն Հայաստանում եւ սփյուռքում: Ուզում եմ հավատալ, որ հուսախաբ չեք անի, բարձր կպահեք Հայաստանի Զինանշանի, Օրհներգքի եւ Դրոշի պատիվը: Դուք պետք է առաջնորդվեք օլիմպիական վեհ գաղափարներով, արդարացի խաղի սկզբունքներով, առանձնանաք օրինակելի վարքագծով եւ պահվածքով:
Նախորդ տարների ընթացքում բազմիցս խոստացել եք, որ համաշխարհային այդ գլխավոր մարզահանդեսում հավուր պատշաճի եք ներկայանալու եւ ձեր աժանի տեղն եք նվաճելու օլիմպիական պատվանդանի վրա: Կոչ եմ անում, արժանապատվորեն կատարեք ձեր առաքելությունը, գործի վերածեք ձեր խոստումները, որպեսզի զուր չանցնի մարզումներում թափած ձեր քրտինքը:
Միլիոնավոր հայեր հույսերով ու հավատով սպասում են ձեր հաղթանակներին:
Արդարացրեք սպասելիքները:
Հաջողություն եւ հաղթանակ եմ մաղթում ձեզ», փոխանցում է ՀԱՕԿ-ի մամուլի ծառայությունը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.