Հայ ձյուդոիստներն անհաջող են հանդես եկել Չիլիում

Ձյուդոյի Հայաստանի պատանեկան հավաքականը Չիլիի մայրաքաղաք Սանտյագոյում մասնակցել է աշխարհի պատանեկան առաջնությանը եւ մեդալ չի նվաճել, հաղորդում է armnoc.am-ը:

«Տղաների պատրաստվածությունն այնքան էլ լավ չէր: Մենք այս տարի չէինք կարողացել միջազգային հավաքներ անցկացնել: Բացի այդ, Հայաստանի պատանի ձյուդոյիստներն աշխարհի առաջնությանն առաջին անգամ էին մասնակցում, ավելի լարված էին»,- ասել է հավաքականի ավագ մարզիչ Հակոբ Առաքելյանը: 

Յուրի Իսրայելյանը (50 կգ քաշային կարգ) եւ Տիգրան Յաղուբյանը (60 կգ) պարտվել են մեկնարկային գոտեմարտերում: Արտյոմ Ղալաչյանը (60 կգ) եւ Մամիկոն Ավետիսյանն (81 կգ) դուրս են մնացել պայքարից երկրորդ գոտեմարտերում: