Sinquefield Cup. Լեւոն Արոնյանը պարտվեց Մագնուս Կարլսենին եւ դուրս մնաց լավագույն եռյակից
03:18 12 օգոստոսի, 2017ԱՄՆ-ի Սենթ Լուիս քաղաքում ֆրանսիացի Մաքսիմ Վաշյե-Լագրավի հաղթանակով ավարտվեց Sinquefield Cup շախմատային սուպերմրցաշարը (Grand Chess Tour-ի երրորդ փուլն է): Վերջին տուրում հայկական շախմատի առաջատար Լեւոն Արոնյանը սեւերով մրցեց աշխարհի չեմպիոն, նորվեգացի Մագնուս Կարլսենի հետ եւ պարտություն կրեց 52-րդ քայլում: Արոնյանը 5 միավորով կիսեց 4-5-րդ տեղերը ռուսաստանցի Սերգեյ Կարյակինի հետ:
Վաշյե-Լագրավը ռուսաստանցի Յան Նեպոմնյաշչու նկատմամբ տարած հաղթանակից հետո վաստակեց 6 միավոր, Կարլսենը եւ հդիկ Վիշվանաթան Անանդը 5.5-ական միավորով կիսեցին 2-3-րդ տեղերը:
Հիշեցնենք, որ նախորդ 8 տուրերում Լեւոն Արոնյանը հաղթել էր ռուսաստանցի Յան Նեպոմնյաշչիին, ամերիկացիներ Ուեսլի Սոյին ու Հիկարու Նակամուրային, պարտվել ԱՄՆ-ը ներկայացնող իտալացի Ֆաբիանո Կարուանային եւ ոչ ոքի խաղացել ռուսաստանցիներ Սերգեյ Կարյակինի ու Պյոտր Սվիդլերի, աշխարհի նախկին չեմպիոն, հնդիկ Վիշվանաթան Անանդի ու ֆրանսիացի Մաքսիմ Վաշյե-Լագրավի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։