«Բարսելոնան» ֆրանսիական ՊՍԺ-ից 222 միլիոն եվրո է ստացել բրազիլացի հարձակվող Նեյմարի տրանսֆերի դիմաց, հաղորդում է Sport.es-ը։
Այժմ իսպանական Լա Լիգան կկարողանա Ֆրանսիայի ֆուտբոլի ֆեդերացիային ուղարկել Բրազիլիայի հավաքականի 25-ամյա ֆուտբոլիստի տրանսֆերի վերաբերյալ անհրաժեշտ հավաստագիր։
Այսպիսով, Նեյմարը կկարողանա ՊՍԺ-ում նորամուտը նշել «Գենգամի» դեմ Ֆրանսիայի առաջնության երկրորդ տուրի խաղում, որը տեղի կունենա օգոստոսի 13-ին։ Այդ մասին հայտնել է նաեւ Լիգա-1-ի թվիթերյան էջը։
Հիշեցնենք, որ Նեյմարը դարձել է պատմության ամենաթանկ ֆուտբոլիստը: Նախորդ ռեկորդը պատկանում էր ֆրանսիացի կիսապաշտպան Պոլ Պոգբային, որը 105 միլիոն եվրոյով էր Թուրինի «Յուվենտուսից» տեղափոխվել անգլիական «Մանչեսթեր Յունայթեդ»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։