Sinquefield Cup. Լեւոն Արոնյանը մնաց առաջատար եռյակում, հաղթողը հայտնի կդառնա վերջին տուրում
01:39 11 օգոստոսի, 2017ԱՄՆ-ի Սենթ Լուիս քաղաքում ավարտին մոտեցող Sinquefield Cup շախմատային սուպերմրցաշարի (Grand Chess Tour-ի երրորդ փուլն է) հաղթողը հայտնի կդառնա վերջին տուրում:
Նախավերջին տուրի արդյունքում, Հայաստանի հավաքականի առաջատար Լեւոն Արոնյանը, աշխարհի նախկին չեմպիոն, հնդիկ Վիշվանաթան Անանդը եւ ֆրանսիացի Մաքսիմ Վաշյե-Լագրավը պահպանեցին առաջատար դիրքերը՝ 5-ական միավոր: Նրանց կարող էր հավասարվել աշխարհի չեմպիոն, նորվեգացի Մագնուս Կարլսենը, եթե հաղթեր ռուսաստանցի Յան Նեպոմնյաշչուն, սակայն բավարարվեց ոչ ոքի արդյունքով եւ հետ է կես միավոր:
Հիշեցնենք, որ Արոնյանը 8-րդ տուրում ոչ ոքի է խաղացել ռուսաստանցի Պյոտր Սվիդլերի հետ: Անանդն ու Վաշյե-Լագրավը եւս կիսել են միավորը:
Վերջին տուրում Արոնյանը սեւերով կխաղա Կարլսենի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։