Բասկետբոլի Հայաստանի հավաքականը Բրատիսլավայում է

23:54   10 օգոստոսի, 2017

Բասկետբոլի տղամարդկանց Հայաստանի ազգային հավաքականը Բոսնիայից ժամանել է Սլովակիայի մայրաքաղաք Բրատիսլավա, որտեղ կանցկացնի 2019թ. աշխարհի առաջնության ընտրական մրցաշարի նախնական փուլի չորրորդ տուրի հանդիպումը Սլովակիայի հավաքականի դեմ:

Հանդիպումը տեղի կունենա օգոստոսի 12-ին եւ կմեկնարկի Երեւանի ժամանակով 22:00-ին:

Խորվաթ Նիկշա Բավցեւիչի գլխավորած թիմը մինչեւ հանդիպումը կանցկացնի երեք մարզում: Դրանցից երկուսը տեղի կունենա օգոստոսի 11-ին, հաղորդում է ՀԲՖ մամուլի ծառայությունը:

Հիշեցնենք, որ առաջին երեք տուրերում Հայաստանի հավաքականը տնային հաղթանակներ է տարել Սլովակիայի (75:61) եւ Շվեդիայի (82:69) թիմերի նկատմամբ, Սարաեւոյում 85:98 հաշվով պարտվել է Բոսնիա-Հերցեգովինային:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։