ԱՄՆ-ի Սենթ Լուիս քաղաքում շարունակվող Sinquefield Cup շախմատային սուպերմրցաշարի (Grand Chess Tour-ի երրորդ փուլն է) 7-րդ տուրում Հայաստանի հավաքականի առաջին համար Լեւոն Արոնյանը սեւերով խաղաց ամերիկացի Հիկարու Նակամուրայի հետ եւ հաղթանակ տարավ 54-րդ քայլում:
Հայ գրոսմայստերն ունի 4.5 միավոր եւ ֆրանսիացի Մաքսիմ Վաշյե-Լագրավի ու հնդիկ Վիշվանաթան Անանդի հետ բաժանում է առաջին տեղը:
Հիշեցնենք, որ 6-րդ տուրում Արոնյանը եւս հաղթանակ էր տարել: Մրցակիցն ամերիկացի Ուեսլին Սոն էր:
Վերջին երկու տուրերում Լեւոն Արոնյանը կմրցի ռուսաստանցի Պյոտր Սվիդլերի եւ նորվեգացի Մագնուս Կարլսենի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։