Հայաստանի հավաքականի բասկետբոլիստ Ալան Հեսի մասնակցությունը հարցականի տակ է Բոսնիա եւ Հերցեգովինայի դեմ 2019թ. աշխարհի առաջնության ընտրական մրցաշարի երրորդ տուրի խաղին, հայտնում է Հայաստանի բասկետբոլի ֆեդերացիայի մամուլի ծառայությունը:
Սարաեւոյում գտնվող Հայաստանի հավաքականն օգոստոսի 9-ի առավոտյան անցկացրել է վերջին նախախաղային մարզումը, որին գրեթե չի մասնակցել Ալան Հեսը: Հայաստանի հավաքականի առաջատար խաղացողներից մեկը ոտքի վնասվածքի պատճառով գտնվում է բժշկի հսկողության տակ: Առայժմ հայտնի չէ՝ արդյոք նա կկարողանա մասնակցել հանդիպմանը, թե՝ ոչ :
Բոսնիա եւ Հերցեգովինա – Հայաստան խաղը կկայանա օգոստոսի 9-ի Սարաեւոյում եւ կմեկնարկի Երեւանի ժամանակով 22:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։