Ռուսլան Կորյանի գոլային փոխանցումը «ԲՄԱ Խաբարովսկին» օգնեց առաջին հաղթանակը տանել Պրեմյեր լիգայում
13:55 8 օգոստոսի, 2017«ԲՄԱ Խաբարովսկն» օգոստոսի 8-ին առաջին հաղթանակը տարավ ռուսական Պրեմյեր լիգայում: Ռուսաստանի առաջնության 5-րդ տուրի մեկնարկային խաղում լիգայի նորեկը տանը 2:0 հաշվով առավելության հասավ Ալեքսանդր Գրիգորյանի գլխավորած Մախաչկալայի «Անժիի» նկատմամբ:
Հայաստանի հավաքականի հարձակվող Ռուսլան Կորյանը հանդես եկավ «ԲՄԱ Խաբարովսկի» մեկնարկային կազմում, իսկ 68-րդ րոպեին գոլային փոխանցում կատարեց սերբ հարձակվող Միրոսլավ Մարկովիչին, որը բացեց հաշիվը: 72-րդ րոպեին Կորյանը փոխարինվեց, իսկ դաշտի տերերը երկրորդ գոլը խփեցին ավելացված ժամանակում:
Հիշեցնենք, որ «ԲՄԱ Խաբարովսկն» առաջին անգամ է մասնակցում Պրեմյեր լիգային, որի մեկնարկային 4 տուրերում պարտվել էր: «ԲՄԱ Խաբարովսկն» ու «Անժին» ունեն 3-ական միավոր եւ բաժանում են 14-15-րդ տեղերը:
Ռուսաստանի առաջնություն, 5-րդ տուր
«ԲՄԱ Խաբարովսկ» - «Անժի»՝ 2:0
Միրոսլավ Մարկովիչ, 68, Նիկոլայ Կալինսկի, 90+4
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.