Վարազդատ Հարոյանը եւ Դավիդ Յուրչենկոն՝ Ռուսաստանի առաջնության չորրորդ տուրի խորհրդանշական հավաքականում

14:43   8 օգոստոսի, 2017

Եկատերինբուրգի «Ուրալի» պաշտպան Վարազդատ Հարոյանը եւ «Տոսնոյի» դարպասապահ Դավիդ Յուրչենկոն Rusfootball.info-ի վարկածով ընդգրկվել են ֆուտբոլի Ռուսաստանի առաջնության չորրորդ տուրի խորհրդանշական հավաքականում:

«Հայ պաշտպանը «Կրասնոդարի» դեմ խաղում հաշիվը բացեց 15-րդ րոպեին եւ «Ուրալին» օգնեց հաշվի մեջ առաջ լինել մինչեւ 94-րդ րոպեն, երբ «Ուրալի» դարպասին նշանակվեց 11 մետրանոց հարված: Միայն այդ պատճառով Հարոյանի գոլը հաղթական չեղավ, իսկ պաշտպանն իր հաշվին չգրանցեց «չոր» հանդիպում»,- Հայաստանի հավաքականի պաշտպան Վարազդատ Հարոյանի մասին գրում է կայքը:

«Տոսնոն» Պրեմյեր լիգայում տարավ առաջին հաղթանակը, սակայն այն տեղի չէր ունենա, եթե չլիներ դարպասապահի սեյվը Ջորջեւիչի իրացրած 11 մետրանոցից հետո: Բերխամովի հիասքանչ հարվածից հետո Յուրչենկոն ոչինչ անել չէր կարող, այնպես որ նա, միանշանակ, «Տոսնոյի» պատմական խաղի գլխավոր հերոսներից էր»,- Դավիդ Յուրչենկոյի մասին գրում է կայքը:

Հիշեցնենք, որ «Ուրալը» 1:1 հաշվով էր ավարտել «Կրասնոդարի» դեմ արտագնա հանդիպումը՝ հաղթանակը բաց թողնելով վերջին վայրկյաններին, իսկ «Տոսնոն» հյուրընկալվելիս 2:1 հաշվով հաղթել էր Տուլայի «Արսենալին»: Վարազդատ Հարոյանն առաջին գոլն էր խփել «Ուրալի» կազմում ու Ռուսաստանի առաջնությունում, իսկ Դավիդ Յուրչենկոն 69-րդ րոպեին 11 մետրանոց հարված էր հետ մղել 2:1 հաշվի ժամանակ:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։