Իտալացի Ֆաբիո Կապելոյի մարզչական շտաբը Ռուսաստանի հավաքականում կկազմեն հինգ իտալացիներ եւ երկու ռուսաստանցիներ, հաղորդում է Р-Спорт-ը:
Սպորտային տնօրենի պաշտոնը կստանձնի Կապելոյի գլխավոր օգնական Օրեստե Չինկվինին: Երկրորդ մարզիչը կլինի Իտալո Գալբյատին, իսկ ֆիզպատրաստության մարզիչը` Մասիմո Ներին: Ռուսաստանի հավաքականի դարպասապահների հետ կաշխատի Ֆրանկո Տանկրեդին: Իտալիայի հավաքականի նախկին ֆուտբոլիստ Քրիստիան Պանուչին կզբաղվի 2014թ. աշխարհի առաջնության ընտրական փուլում Ռուսաստանի մրցակիցների դիտարկմամբ:
Ռուսաստանցիներից Կապելոյի օգնականը կլինի Անդրեյ Տալալաեւը, իսկ Նիկոլայ Պիսարեւը մարզչական շտաբի ընդլայնված կազմում կընդգրկվի որպես երիտասարդական հավաքականի գլխավոր մարզիչ:
Ենթադրվում է, որ Կապելոն, Չինկվինին եւ Գալբյատին կապրեն Ռուսաստանում, իսկ Ներին ու Տանկրեդին կժամանեն պաշտոնական հանդիպումների եւ հավաքների ժամանակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։