Նեյմարը ժամանեց Փարիզ (ֆոտոշարք)
14:31 4 օգոստոսի, 2017Ֆրանսիական ՊՍԺ-ի նորեկ Նեյմարը ժամանել է Փարիզ, հայտնում է ակումբի մամուլի ծառայությունը:
Փարիզի խանութների մոտ արդեն մեծ հերթեր են գոյացել Բրազիլիայի հավաքականի հարձակվողի մարզաշապիկը գնելու համար:
Նեյմարը՝ որպես ՊՍԺ-ի ֆուտբոլիստ, կներկայացվի «Ամյենի» դեմ Ֆրանսիայի առաջնության առաջին տուրի խաղում, որը կկայանա օգոստոսի 5-ին: ՊՍԺ-ում հարձակվողի նորամուտը սպասվում է «Գենգամի» դեմ օգոստոսի 13-ին կայանալիք խաղում:
Հիշեցնենք, որ 25-ամյա բրազիլացուն ձեռք բերելու համար ՊՍԺ-ն 222 միլիոն եվրո է վճարել «Բարսելոնային»: Նեյմարը ֆրանսիական ակումբի հետ կնքել է 5 տարվա պայմանագիր եւ ստացել 10 համարի մարզաշապիկը: Հարձակվողը 2013-ին բրազիլական «Սանթոսից» էր տեղափոխվել «Բարսելոնա»:
Նեյմարը դարձավ պատմության ամենաթանկ ֆուտբոլիստը: Նախորդ ռեկորդը պատկանում էր ֆրանսիացի կիսապաշտպան Պոլ Պոգբային, որը 105 միլիոն եվրոյով էր Թուրինի «Յուվենտուսից» տեղափոխվել անգլիական «Մանչեսթեր Յունայթեդ»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.