Մարիա Շարապովան հրաժարվել է պայքարից
10:10 3 օգոստոսի, 2017Ռուսաստանցի Մարիա Շարապովան չի շարունակի պայքարը թենիսի Ստենֆորդի մրցաշարում, որին մասնակցում էր wild card-ի շնորհիվ: Երկրորդ շրջանում 30-ամյա թենիսիստուհին պետք է հանդիպեր ուկրաինացի Լեսյա Ցուրենկոյի հետ, սակայն ձախ ձեռքի վնասվածքի պատճառով հրաժարվել է մրցախաղի մասնակցությունից:
Հիշեցնենք, որ առաջին շրջանում Շարապովան 6:1, 4:6, 6:0 հաշվով հաղթել էր ամերիկուհի Ջենիֆեր Բրեյդիին: Դրանից առաջ նա վնասվածքի պատճառով կորտից բացակայում էր մայիսից:
Սա Մարիա Շարապովայի երրորդ մրցաշարն էր որակազրկումից հետո: Մելդոնիումի օգտագործման համար ռուս մարզուհին որակազրկվել էր 15 ամսով եւ կորտ վերադարձավ ապրիլի 26-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։