Նեյմարն ինքը կգնի իր տրանսֆերը «Բարսելոնայից», ՊՍԺ-ն չի խախտի ֆինանսական ֆեյր-փլեյը

17:49   1 օգոստոսի, 2017

Ֆրանսիական ՊՍԺ-ն գտել է բրազիլացի Նեյմարի տրանսֆերի պատճառով ՈւԵՖԱ-ի ֆինանսական ֆեյր-փլեյը չխախտելու ձեւը: Փարիզյան թիմ տեղափոխվելուց առաջ «Բարսելոնայի» եւ Բրազիլիայի հավաքականի հարձակվողը պայմանագիր կկնքի ՊՍԺ-ի սեփականատեր Qatar Sports Investments-ի հետ եւ կդառնա 2022թ. Քաթարում անցկացվելիք աշխարհի առաջնության դեսպանը: Դրա համար Նեյմարը կստանա 300 միլիոն եվրո, որից էլ 222 միլիոն եվրո կվճարի կատալոնական ակումբին սեփական տրանսֆերային իրավունքի համար, հաղորդում է Քաթարի beIN Sports-ը:

25-ամյա ֆուտբոլիստը ՊՍԺ-ի հետ կկնքի հինգ տարվա պայմանագիր տարեկան 30 միլիոն եվրո մաքուր եկամուտով: Եվս 20 միլիոն եվրո նա կստանա ՊՍԺ-ն ընտրելու համար: Սպասվում է, որ կողմերը պայմանագիրը կկնքեն մինչեւ օգոստոսի 7-ը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։