Հայ բասկետբոլիստները՝ Եվրոպայի C դիվիզիոնի առաջնության լավագույն խաղացողներ
15:25 31 հուլիսի, 2017Հայաստանի պատանեկան հավաքականի առաջատար Գեորգի Շախնազարովը ճանաչվել է մինչեւ 16 տարեկանների Եվրոպայի C դիվիզիոնի առաջնության լավագույն բասկետբոլիստ, հայտնում է բասկետբոլի Հայաստանի ֆեդերացիայի մամուլի ծառայությունը:
Անդորրայում անցկացված մրցաշարում Շախնազարովի միջին արդյունավետությունը կազմել է 28.7 միավոր:
Հիշեցնենք, որ եզրափակիչում հայ բասկետբոլիստները 88:70 հաշվով հաղթել էին Ջիբրալթարի հավաքականին եւ նվաճել չեմպիոնի տիտղոսը:
Ջիբրալթարում կայացած կանանց Եվրոպայի C դիվիզիոնի առաջնության լավագույն բասկետբոլիստ է ճանաչվել Հայաստանի թիմի խաղացող Աննա Ասլանյանը: Եզրափակիչում կանանց Հայաստանի պատանեկան հավաքականը 63:44 հաշվով առավելության էր հասել Մալթայի թիմի նկատմամբ, իսկ Աննա Ասլանյանը դարձել էր թրիփլ-դաբլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։