«Մանչեսթեր Յունայթեդը» խոշոր հաշվով հաղթեց Օսլոյում, Հենրիխ Մխիթարյանի գոլային փոխանցումը
22:47 30 հուլիսի, 2017«Մանչեսթեր Յունայթեդը» Նորվեգիայի մայրաքաղաք Օսլոյում ընկերական խաղ անցկացրեց նորվեգական «Վոլերենգայի» հետ եւ առավելության հասավ 3:0 հաշվով:
Հայաստանի հավաքականի կիսապաշտպան Հենրիխ Մխիթարյանն անգլիական ակումբի մեկնարկային կազմում մասնակցեց առաջին խաղակեսին եւ դարձավ գոլային փոխանցման հեղինակ: 44-րդ րոպեին Մխիթարյանի փոխանցումից հետո բելգիացի կիսապաշտպան Մարուան Ֆելաինին գլխի հարվածով բացեց հաշիվը:
Անգլիական ակումբից երկրորդ խաղակեսում աչքի ընկան նաեւ փոխարինման դուրս եկած բելգիացի հարձակվող Ռոմելու Լուկակուն ու անգլիացի 20-ամյա կիսապաշտպան Սքոթ Մաքթոմինեյը:
Ընդմիջմանը «Մանչեսթեր Յունայթեդի» գլխավոր մարզիչ Ժոզե Մոուրինյոն կատարեց մի շարք փոփոխություններ՝ փոխարինելով նաեւ Հենրիխ Մխիթարյանին:
Սա «Մանչեսթեր Յունայթեդի» առաջին խաղն է ամերիկյան շրջագայությունից հետո: Օգոստոսի 2-ին անգլիական ակումբը Դուբլինում ընկերական հանդիպում կանցկացնի իտալական «Սամպդորիայի» հետ, իսկ օգոստոսի 8-ին Եվրոպայի Սուպերգավաթի խաղում կմրցի Մադրիդի «Ռեալի» հետ:
Ընկերական խաղ, Օսլո
«Վոլերենգա» (Նորվեգիա) - «Մանչեսթեր Յունայթեդ» (Անգլիա)՝ 0:3
Մարուան Ֆելաինի, 44, Ռոմելու Լուկակու, 47, Սքոթ Մաքթոմինեյ, 70
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.