Ֆուտբոլի Սլովակիայի չեմպիոն «Ժիլինայի» գլխավոր մարզիչ Ադրիան Գուլան մեկնաբանել է Հայաստանի երիտասարդական հավաքականի կիսապաշտպան Վահան Բիչախչյանի տեղափոխությունը Գյումրիի «Շիրակից»:
«Հետեւել ենք Բիչախչյանի խաղին «Շիրակում»: «Ժիլինայում» նրա մարզումների այս կարճ ժամանակում, հասցրել ենք նկատել, որ նա ունի հրաշալի ձախ ոտք, գերազանց է խաղում մեկ հպումով: Նա հսկայական ներուժով երիտասարդ խաղացող է: Մենք մրցակցել ենք նրա տրանսֆերի համար այլ ակումբների հետ: Վահանի ընտրությունն արժանի է հարգանքի: Մենք կօգնենք նրան կատարելագործվել, իսկ Վահանը կօգնի մեր թիմին իր խաղով: Նա դեռ պետք է հարմարվի»,- մարզիչի խոսքը մեջբերում է sportky.zoznam.sk-ն:
Հիշեցնենք, 18-ամյա ֆուտբոլիստը հինգ տարվա պայմանագիր է կնքել «Ժիլինայի» հետ եւ հանդես կգա 18 համարի մարզաշապիկով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։