Թուրինի «Յուվենտուսի» հարձակվող Պաուլո Դիբալան չի հերքել, որ կարող է հայտնվել «Բարսելոնայում»: Կատալոնական ակումբը նրա տրանսֆերը կփորձի իրականացնել, եթե ՊՍԺ տեղափոխվի բրազիլացի հարձակվող Նեյմարը:
«Միշտ հաճելի է լսել, որ «Բարսելոնայի» եւ «Ռեալի» նման թիմերը հետաքրքրվում են իմ ծառայություններով: Դա նշանակում է, որ լավ եմ կատարում աշխատանքս: Բայց պետք է հասկանալ, թե ինչքանով է այդ ամենը համապատասխանում իրականությանը: Ես դրա պատասխանը չունեմ: Երջանիկ եմ «Յուվենտուսում» եւ համառ աշխատում են նոր մրցաշրջանը գերազանց անցկացնելու նպատակով: Իսկ իմ տրանսֆերը կախված է «Յուվենտուսի» դիրքորոշումից»,- 23-ամյա Դիբալայի խոսքը մեջբերում է Sky Sport Italia-ն:
Արգենտինացի ֆուտբոլիստը երկարաձգել է պայմանագիրը «Յուվենտուսի» հետ մինչեւ 2022 թվականը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։