Հույս ունեմ, որ BBC եռյակը կմնա «Ռեալում», սակայն մինչեւ օգոստոսի 31-ն ամեն ինչ կարող է տեղ ունենալ, ասել է Արքայական ակումբի ֆրանսիացի գլխավոր մարզիչ Զինեդին Զիդանը՝ խոսելով Գարեթ Բեյլի, Քարիմ Բենզեմայի եւ Կրիշտիանու Ռոնալդուի հեռանալու մասին բազմաթիվ մեկնաբանությունների մասին: Տրանսֆերային պատուհանը փակվում է ամռան վերջին օրը:
Զիդանը հրաժարվել է մեկնաբանել Ֆրանսիայի չեմպիոն «Մոնակոյի» ֆրանսիացի հարձակվող Կիլիան Մբապեին ձեռք բերելու հավանականությունը:
«Ես մարզիչ եմ: Այդ հարցով պետք է ուրիշներին հարցնել: Առայժմ ոչինչ տեղի չի ունեցել»,- Զիդանի խոսքը մեջբերում է Marca-ն:
«Մոնակոյի» ներկայացուցիչները վստահեցնում են, որ Մբապեն եւս մեկ մրցաշրջան կանցկացնի Ֆրանսիայի առաջնությունում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։