Պոգբան ցանկանում է Իբրահիմովիչից հետո դառնալ «Մանչեսթեր Յունայթեդի» առաջատարը
13:08 27 հուլիսի, 2017«Մանչեսթեր Յունայթեդի» ֆրանսիացի կիսապաշտպան Պոլ Պոգբան հայտարարել է, որ ցանկանում է դառնալ անգլիական ակումբի առաջատարը: Նրա կարծիքով՝ նախորդ մրցաշրջանում «Մանչեսթեր Յունայթեդի» առաջատարն էր շվեդ հարձակվող Զլատան Իբրահիմովիչը:
«Ակնհայտ է, որ Զլատանն առաջատար էր, քանի որ նա միշտ օգնում էր թիմին՝ նույնիսկ, երբ չէր խաղում: Եկել եմ «Մանչեսթեր Յունայթեդ» առաջատար լինելու համար: Դա այն նպատակն է, որին ես ձգտում եմ: Ցանկանում եմ աճել որպես խաղացող ու առաջատար: Հուսով եմ, որ կկարողանամ սովորել Մայքլ Կերիկից ու մյուս խաղացողներից եւ դառնալ առաջատար»,- Պոգբայի խոսքը մեջբերում է Daily Mail-ը:
Հիշեցնենք, որ 35-ամյա Իբրահիմովիչի պայմանագիրը «Մանչեսթեր Յունայթեդի» հետ ավարտվել է: Նախնական տվյալների համաձայն՝ վնասվածքից հետո նրա վերադարձը խաղադաշտ սպասվում է հունվարին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։