Գվարդիոլա. Ֆուտբոլիստների գները շատ արագ են աճում, սա խելահեղություն է
18:08 26 հուլիսի, 2017Անգլիական «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան «խելահեղություն» է որակել ֆուտբոլիստների տրանսֆերային գների աճը։
«Երկու-երեք տարի առաջ հնարավոր չէր պատկերացնել, որ ֆուտբոլիստի համար կվճարեն 100 միլիոն եվրո։ Այժմ դա իրականություն է, իսկ գները շարունակելու են բարձրանալ։ Ես կցանկանայի քիչ վճարել, բայց շուկան է թելադրում։ Այս ամենը խելահեղություն է։ Գները շատ արագ են աճում։ Բոլոր ակումբներն են նույն վիճակում։ Պետք է հասկանալ այս ամենը եւ քայլեր ձեռնարկել։ «Մանչեսթեր Յունայթեդն» ու «Բարսելոնան» եւս շատ են ծախսում։ Ամեն ինչ կախված է ակումբների, գործակալների եւ ֆուտբոլիստների ցանկություններից։
Աբու Դաբիի շեյխերը 10 տարի առաջ գնեցին «Մանչեսթեր Սիթին», եւ դրանից հետո ակումբը միշտ պայքարում է Պրեմյեր լիգայի եռյակում տեղ ունենալու համար։ Բայց մեզ դեռ ժամանակ է պետք «Ռեալի» կամ «Բարսելոնայի» հետ հավասար մրցակցության համար»,- Գվարդիոլայի խոսքը մեջբերում է AS-ը։
«Մանչեսթեր Սիթին» Գվարդիոլայի ղեկավարությամբ արդեն կատարել է 453 միլիոն եվրոյի տրանսֆեր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.