Ֆրանսիական ՊՍԺ-ի գլխավոր մարզիչ Ունաի Էմերիի ասուլիսի ժամանակ լրագրողներին արգելել են ուղղել «Բարսելոնայի» բրազիլացի հարձակվող Նեյմարի տրանսֆերի վերաբերյալ հարցեր, գրում է France Football-ը:
Ասուլիսի ժամանակ իսպանացի մասնագետը խոսել է ԱՄՆ-ում ընթացող International Champions Cup ընկերական մրցաշարում Թուրինի «Յուվենտուսի» դեմ խաղի եւ «Մոնակոյի» հետ Ֆրանսիայի Սուպերգավաթի հանդիպման մասին: Ասուլիսից առաջ սրահում հայտարարվել է, որ Նեյմարի վերաբերյալ հարցերն անթույլատրելի են: Ասուլիսին մասնակցել է նաեւ ՊՍԺ-ի ուրուգվայցի հարձակվող Էդինսոն Կավանին:
Վերջերս լուրեր են շրջանառվում, որ Նեյմարը մոտ է ՊՍԺ տեղափոխվելուն: Ֆրանսիական ակումբը պատրաստ է վճարել Բրազիլիայի հավաքականի 25-ամյա ֆուտբոլիստի պայմանագրում ամրագրված 222 միլիոն եվրո տրանսֆերային արժեքը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։