Բոսնիա-Հերցեգովինայում ընթացող ըմբշամարտի Եվրոպայի պատանեկան առաջնությունում Հայաստանը նվաճել է առաջին մեդալը:
Գենիկ Ասատրյանը բրոնզե մեդալակիր է դարձել ազատ ոճի ըմբշամարտի 50 կգ քաշային կարգում: Բրոնզե մեդալի համար գոտեմարտում նա 3:1 հաշվով հաղթել է ադրբեջանցի Ռամիզ Հասանովին:
Ազատ ոճի ըմբշամարտի Հայաստանի հավաքականի կազմում առաջին մրցումային օրը հանդես են եկել նաեւ Ռաֆայել Հարությունյանը (42 կգ), Մեժլում Մեժլումյանը (58 կգ), Դավիթ Գեւորգյանը (69 կգ), որոնք հաջողության չեն հասել:
Հուլիսի 26-ին պայքարի մեջ են մտել նաեւ Առաքել Մովսեսյանը (46 կգ), Տիգրան Ղազարյանը (54 կգ), Դավիթ Հովհաննիսյանը (63 կգ), Լյովա Գեւորգյանը (76 կգ) եւ Մարտին Սիմոնյանը (100 կգ): Մարտին Սիմոնյանը եւ Առաքել Մովսեսյանը հնարավորություն են ստացել անցկացնել բրոնզե մեդալի համար գոտեմարտ եւ սպասում են իրենց մրցակիցներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։