«Մոնակոյում» հերքել են Մբապեին 180 միլիոնով «Ռեալին» վաճառելու մասին լուրը
16:05 25 հուլիսի, 2017«Մոնակոն» հերքել է լուրերը, որ Ֆրանսիայի չեմպիոնը Մադրիդի «Ռեալի» հետ պայմանավորվել է ֆրանսիացի հարձակվող Կիլիան Մբապեի տեղափոխության հարցով, գրում է Nice-Matin-ը:
Ավելի վաղ իսպանական Marca-ն գրել էր, որ «Մոնակոն» համաձայնել է 160 միլիոն եվրոյով վաճառել 18-ամյա ֆուտբոլիստին: Նշվում էր, որ Արքայական ակումբը եւս 20 միլիոն եվրո վճարելու է բոնուսների տեսքով: Ավելի ուշ այդ տեղեկությունը հերքել էր նաեւ Sky Sports-ը:
Մբապեի գործող պայմանագիրը «Մոնակոյի» հետ նախատեսված է մինչեւ 2019 թվականը: Անցած մրցաշրջանում նա բոլոր մրցաշարերում մասնակցել է 44 հանդիպման եւ դարձել 26 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։