Մայք Թայսոնը խոստովանել է, որ պատանեկության ժամանակ ենթարկվել է սեռական ոտնձգության

Պրոֆեսիոնալ բռնցքամարտի գերծանր քաշային կարգում աշխարհի նախկին բացարձակ չեմպիոն Մայք Թայսոնը խոստովանել է, որ պատանեկության ժամանակ ենթարկվել է սեռական ոտնձգության: Ամերիկացի լեգենդար բռնցքամարտիկի խոսքով՝ հանցագործը նրան տարել է փակ տարածություն, որտեղ կատարել է ոտնձգություններ: Թայսոնը պատմել է, որ այդ միջադեպը եղել է նրա՝ բռնցքամարտով զբաղվելու պատճառներից մեկը:

«Դա չի վերաբերում ոչ մեկի: Տեղի ունեցածը չի անդրադարձել իմ տղամարդկության վրա: Դա պարզապես տեղի է ունեցել եւ շատ չի անդրադարձել իմ կյանքի վրա»,- 49-ամյա Թայսոնի խոսքը մեջբերում է ESPN-ը:

Հիշեցնենք, որ Մայք Թայսոնը պրոֆեսիոնալ ռինգում տարել է 50 հաղթանակ  (44 նոկաուտ) եւ կրել 6 պարտություն: 1986-ին նա դարձել էր աշխարհի ամենաերիտասարդ չեմպիոնը: