«Ալաշկերտը» պատրաստվում է Հայաստանի առաջնության մեկնարկին
18:10 24 հուլիսի, 2017Ֆուտբոլի Հայաստանի չեմպիոն «Ալաշկերտը» Չեմպիոնների լիգայի որակավորման երկրորդ փուլին հաջորդած կարճատեւ դադարից հետո վերսկսել է պատրաստվել Բարձրագույն խմբի առաջնության մեկնարկին:
«Ալաշկերտ» ստադիոնում տեղի ունեցած մարզմանը չեն մասնակցել սերբ պաշտպաններ Միլիան Յաբլանը եւ Մլադեն Զելկովիչը, որոնք բուժզննում են անցել: Յաբլանը շարունակում է վերականգնվել Բելառուսի ԲԱՏԷ-ի հետ պատասխան խաղում ստացած մկանային վնասվածքից:
Մարզմանը մասնակցել է Հայաստանի ազգային հավաքականի թեկնածու Նորայր Ասլանյանը, որը երեք տարվա պայմանագիր է կնքել «Ալաշկերտի» հետ:
Հայաստանի առաջնության առաջին տուրում «Ալաշկերտը» օգոստոսի 4-ին կհյուրընկալվի «Շիրակին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։