Հենրիխ Մխիթարյան vs «Ռեալ»
15:14 24 հուլիսի, 2017Տեսանյութում ներկայացված են «Մանչեսթեր Յունայթեդի» կիսապաշտպան Հենրիխ Մխիթարյանի մասնակցությամբ լավագույն դրվագները Մադրիդի «Ռեալի» դեմ ԱՄՆ-ում ընթացող International Champions Cup ընկերական մրցաշարի խաղում, որում անգլիական ակումբը հաղթել էր հետխաղյա 11 մետրանոցներով:
ԱՄՆ-ի Սանտա Կլարա (Կալիֆորնիա) քաղաքի «Լիվայս» ստադիոնում կայացած խաղում Հայաստանի ազգային հավաքականի ավագը մասնակցել էր երկրորդ խաղակեսին եւ անվրեպ իրացրել հետխաղյա 11 մետրանոց հարվածը: Ընդ որում՝ հարվածաշարի ժամանակ ֆուտբոլիստները դիպուկ էին իրացրել 10 հարվածներից միայն երեքը՝ 2:1: Հենրիխ Մխիթարյանից բացի, անգլիական ակումբից դիպուկ էր նաեւ Դեյլի Բլինդը, իսկ Անտոնի Մարտիալի, Սքոթ Մաքտոմինեյի եւ Վիկտոր Լինդելյոֆի հարվածները հաջող չստացվեցին: «Ռեալից» դարպասը գրավեց միայն իսպանացի 21-ամյա կիսապաշտպան Լուիսմի Քուազեդան, իսկ Մատեո Կովաչիչը, Օսկար Արնաիզը, Թեո Հերնանդեսն ու Կազեմիրոն վրիպեցին:
«Մանչեսթեր Յունայթեդն» ԱՄՆ-ում վերջին ընկերական խաղը կանցկացնի հուլիսի 26-ին՝ Վաշինգտոնում մրցելով «Բարսելոնայի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։