Հոլիվուդյան դերասանուհի Ջուլիա Ռոբերտսը ներկա է եղել «Մանչեսթեր Յունայթեդի» եւ Մադրիդի «Ռեալի» միջեւ ԱՄՆ-ում ընթացող International Champions Cup ընկերական մրցաշարի խաղին, որում անգլիական ակումբը հաղթել էր հետխաղյա 11 մետրանոցներով:
ԱՄՆ-ի Սանտա Կլարա (Կալիֆորնիա) քաղաքի «Լիվայս» ստադիոնում կայացած խաղին ամերիկացի դերասանուհին ներկայացել է «Մանչեսթեր Յունայթեդի» մարզաշապիկով:
Հիշեցնենք, որ Ջուլիա Ռոբերտսը «Մանչեսթեր Յունայթեդին» վերջերս հյուրընկալվել էր նաեւ Լոս Անջելեսում կայացած հավաքի ժամանակ: «Ռեալ» - «Մանչեսթեր Յունայթեդ» հանդիպման հիմնական ժամանակն ավարտվել էր 1:1 հաշվով, եւ անմիջապես նշանակվել էր հետխաղյա 11 մետրանոց հարվածաշար, որում անգլիական ակումբը հաղթել էր 2:1 հաշվով: Հայաստանի ազգային հավաքականի կիսապաշտպան Հենրիխ Մխիթարյանը մասնակցել էր երկրորդ խաղակեսին եւ անվրեպ իրացրել հետխաղյա 11 մետրանոց հարվածը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։