Հենրիխ Մխիթարյանի իրացրած 11 մետրանոցը «Մանչեսթեր Յունայթեդին» օգնեց «Ռեալի» դեմ խաղում
03:17 24 հուլիսի, 2017ԱՄՆ-ում շարունակվող International Champions Cup ընկերական մրցաշարի խաղում անգլիական «Մանչեսթեր Յունայթեդը» հետխաղյա 11 մետրանոցներով հաղթեց Մադրիդի «Ռեալին»: ԱՄՆ-ի Սանտա Կլարա (Կալիֆորնիա) քաղաքի «Լիվայս» ստադիոնում կայացած հանդիպման հիմնական ժամանակն ավարտվեց 1:1 հաշվով, եւ անմիջապես նշանակվեց հետխաղյա 11 մետրանոց հարվածաշար:
Հայաստանի ազգային հավաքականի կիսապաշտպան Հենրիխ Մխիթարյանը խաղը սկսել էր փոխարինողների թվում, բայց դա անգլիական ակումբին չխանգարեց ընդմիջման գնալ հաշվի մեջ առջեւում: 45-րդ րոպեին հաշիվը բացեց անգլիացի կիսապաշտպան Ջեսի Լինգարդը, որի գոլին մադրիդցիները պատասխանեցին ընդմիջումից հետո: Ընդմիջմանը «Մանչեսթեր Յունայթեդի» գլխավոր մարզիչ Ժոզե Մոուրինյոն կատարեց 8 փոխարինում՝ դաշտ դուրս բերելով նաեւ Հենրիխ Մխիթարյանին: Արքայական ակումբի գլխավոր մարզիչ Զինեդին Զիդանն էլ փոխարինեց բոլոր խաղացողներին՝ ընտրելով երկրորդ կազմը, որին հաջողվեց խուսափել պարտությունից: «Ռեալի» պատասխան գոլը 69-րդ րոպեին 11 մետրանոցից խփեց բրազիլացի կիսապաշտպան Կազեմիրոն:
Հետխաղյա 11 մետրանոցների ժամանակ ավելի դիպուկ գտնվեցին «Մանչեսթեր Յունայթեդի» խաղացողները, իսկ Հենրիխ Մխիթարյանը հաջող իրացրեց հարվածը: Ընդ որում՝ հարվածաշարի ժամանակ ֆուտբոլիստները դիպուկ իրացրին 10 հարվածներից միայն երեքը՝ 2:1: Հենրիխ Մխիթարյանից բացի, անգլիական ակումբից դիպուկ էր նաեւ Դեյլի Բլինդը, իսկ Անտոնի Մարտիալի, Սքոթ Մաքտոմինեյի եւ Վիկտոր Լինդելյոֆի հարվածները հաջող չստացվեցին: «Ռեալից» դարպասը գրավեց միայն իսպանացի 21-ամյա կիսապաշտպան Լուիսմի Քուազեդան, իսկ Մատեո Կովաչիչը, Օսկար Արնաիզը, Թեո Հերնանդեսն ու Կազեմիրոն վրիպեցին:
Հիշեցնենք, որ սա «Մանչեսթեր Յունայթեդի» չորրորդ հանդիպումն էր ԱՄՆ-ում: Նախորդ 3 խաղերում Ժոզե Մոուրինյոյի թիմը հաղթել էր MLS-ի ներկայացուցիչներ «Լոս Անջելես Գելաքսիին» (5:2), «Ռեալ Սոլթ Լեյքին» (2:1) ու Մանչեսթեր Սիթիին» (2:0): Այդ 3 խաղերում Հենրիխ Մխիթարյանը դարձել էր 2 գոլի եւ 2 գոլային փոխանցման հեղինակ: «Մանչեսթեր Յունայթեդն» ԱՄՆ-ում վերջին ընկերական խաղը կանցկացնի հուլիսի 26-ին՝ Վաշինգտոնում մրցելով «Բարսելոնայի» հետ:
International Champions Cup
«Ռեալ» - «Մանչեսթեր Յունայթեդ»՝ 1:1
11 մետրանոցներով՝ 1:2
Կազեմիրո, 69 (11մ) – Ջեսի Լինգարդ ,45+1
Թիմերի մեկնարկային կազմերը
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.