Ֆուտբոլի ԿՕՆԿԱԿԱՖ-ի Ոսկե գավաթի կիսաեզրափակիչում ԱՄՆ-ի հավաքականը 2:0 հաշվով հաղթել է Կոստա Ռիկայի թիմին:
Ամերիկացիների երկրորդ գոլը 82-րդ րոպեին խփել է «Սիեթլի» 34-ամյա հարձակվող Կլինտ Դեմպսին: Նա կրկնել է ԱՄՆ-ի հավաքականի պատմության լավագույն ռմբարկու Լենդոն Դոնովանի ռեկորդը՝ ազգային թիմում խփելով 57-րդ գոլը: Անգլիական «Էվերտոնի» նախկին հարձակվող Դոնովանն ԱՄՆ-ի հավաքականում հանդես է եկել 2000-2014-ը եւ անցկացրել 156 հանդիպում:
57 գոլի սահմանագիծը հատելու համար Լոնդոնի «Տոտենհեմի» ու «Ֆուլհեմի» նախկին ֆուտբոլիստ Կլինտ Դեմպսիից պահանջվել է 136 խաղ: Նա ԱՄՆ-ի հավաքականում հանդես է գալիս 2004-ից:
Եզրափակիչում ԱՄՆ-ի հավաքականի մրցակիցը լինելու է Մեքսիկա – Ջամայկա զույգի հաղթողը:
ԿՕՆԿԱԿԱՖ-ի Ոսկե գավաթ, կիսաեզրափակիչում
ԱՄՆ – Կոստա Ռիկա՝ 2:0
Ժոզի Ալտիդոր, 72, Կլինտ Դեմպսի, 82
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։