«Լիվերպուլը» գերմանական «ՌԲ Լայպցիգի» կիսապաշտպան Նաբի Կեյտայի համար պատրաստ է վճարել 83 միլիոն եվրո, հաղորդում է բրիտանական Independent-ը: Անգլիական ակումբն արդեն արել է երկու առաջարկ: Վերջինը 75 միլիոն եվրո էր: Սակայն «ՌԲ Լայպցիգը» մտադիր չէ հրաժարվել Նաբի Կեյտայի ծառայություններից եւ նախորդ երկու առաջարկները մերժել է:
Ֆուտբոլիստի պայմանագիրը «ՌԲ Լայպցիգի» հետ նախատեսված է մինչեւ 2020 թվականը: Նա անցած տարի է «ՌԲ Զալցբուրգից» տեղափոխվել Բունդեսլիգա 15 միլիոն եվրոյով:
Գերմանիայի անցած առաջնության 31 խաղում Կեյտան խփել է 8 գոլ, կատարել 7 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։