Մորատան 5 տարվա պայմանագիր կնքեց «Չելսիի» հետ. 2 տրանսֆերային ռեկորդ
22:46 21 հուլիսի, 2017Իսպանիայի հավաքականի հարձակվող Ալվարո Մորատան Մադրիդի «Ռեալից» տեղափոխվեց Լոնդոնի «Չելսի»: 24-ամյա ֆուտբոլիստը հինգ տարվա պայմանագիր կնքեց անգլիական ակումբի հետ: «Չելսին» տրանսֆերի համար վճարել է 70.6 միլիոն ֆունտ ստերլինգ, ինչը ակումբային ռեկորդ է: Մորատան դարձավ պատմության մեջ ամենաթանկ տրանսֆերով իսպանացի ֆուտբոլիստը՝ առաջ անցնելով Ֆերնանդո Տորեսից (50 միլիոն ֆունտ ստերլինգ, «Չելսի»):
«Մորատան մեծ փորձով երիտասարդ խաղացող է: Նա հանդես է եկել «Ռեալում» եւ «Յուվենտուսում» եւ ունի ազգային առաջնություններում եւ Չեմպիոնների լիգայում մրցելույթների մեծ փորձ»,- թիմի իտալացի գլխավոր մարզիչ Կոնտեի խոսքը մեջբերում է «Չելսիի» կայքը:
Անցած մրցաշրջանում Մորատան «Ռեալում» անցկացրած 43 հանդիպումներում խփել է 20 գոլ, կատարել 6 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։