Մոուրինյո. Խնդրել էի գնել չորս խաղացողների
23:52 20 հուլիսի, 2017Խնդրել էի գնել չորս խաղացողների, բայց կարող եմ բավարարվել նաեւ երեք նորեկներով, ասել է «Մանչեսթեր Յունայթեդի» գլխավոր մարզիչ Ժոզե Մոուրինյոն՝ խոսելով ակումբի տրանսֆերային գործերի մասին:
«Տրանսֆերային շուկան այժմ շատ բարդ է: Որոշ ակումբներ այլ կերպ են ընկալում շուկան: «Մանչեսթեր Յունայթեդն» այն ակումբը չէ, որը անվերջ գնումների կդիմի: Մենք պատրաստ չենք վճարել այն գինը, որը պահանջում են: Ես համաձայն կլինեմ նաեւ երեք նորեկների: Մենք կկարողանանք ունենալ հավասարակշռված եւ մրցունակ թիմ»,- Մոուրինյոյի խոսքը մեջբերում է Goal.com-ը:
Հիշեցնենք, որ «Մանչեսթեր Յունայթեդն» արդեն ձեռք է բերել շվեդ պաշտպան Վիկտոր Լինդելյոֆին եւ բելգիացի հարձակվող Ռոմելու Լուկակուին: Թիմից հեռացել են հարձակվողներ Ուեյն Ռունին եւ Զլատան Իբրահիմովիչը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։