«Բարսելոնայի» նախագահ. Նեյմարի տրանսֆերը հնարավոր է միայն ֆինանսական ֆեյր-փլեյի խախտումով
22:43 20 հուլիսի, 2017Նեյմարի տրանսֆերը հնարավոր է միայն ֆինանսական ֆեյր-փլեյի խախտումով, հայտարարել է «Բարսելոնայի» նախագահ Խոսեպ Մարիա Բարտոմեուն՝ մեկնաբանելով բրազիլացի հարձակվողի հնարավոր տեղափոխությունը ֆրանսիական ՊՍԺ:
«Նեյմարն ունի չորս տարվա պայմանագիր, եւ մենք իհարկե չենք պատրաստվում հրաժարվել նրանից: Նա մեր թիմի կարեւոր խաղացող է, մեր հարձակողական եռյակի անդամը: Եթե նրա համար առաջարկեն պայմանագրում ամրագրված տրանսֆերային արժեքը, ապա այդ գումարը հնարավոր կլինի փոխանցել միայն ՈւԵՖԱ-ի ֆինանսական ֆեյր-փլեյի խախտումով: Եթե որեւէ ակումբ ցանկանում է խնդիրներ ունենալ, ապա կարող է ակտիվացնել պայմանգրի այդ կետը»,- Բարտոմեուի խոսքը մեջբերում է mundodeportivo-ն:
Նեյմարի տրանսֆերային արժեքը 222 միլիոն եվրո է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։