Ռաուլն աշխատանքի է անցել «Ռեալում»
22:14 20 հուլիսի, 2017Մադրիդի «Ռեալի» նախկին ավագ, լեգենդար իսպանացի Ռաուլը սկսել է կատարել Արքայական ակումբի գլխավոր տնօրենի օգնականի պարտականությունները։ Նա կազմակերպել է թիմի նորեկ, Իսպանիայի հավաքականի կիսապաշտպան Դանի Սեբալյոսի շնորհանդեսը «Ռեալում», հաղորդում է իսպանական AS-ը։
40-ամյա Ռաուլը կմեկնի ԱՄՆ եւ կմիանա Զինեդին Զիդանի գլխավորած թիմին, որն ամերիկյան մրցաշրջագայության է։ Ռաուլը կլինի նաեւ ակումբի նախագահ Ֆլորենտինո Պերեսի խորհրդականը։
«Ռեալի» գլխավոր տնօրենը Խոսե Անխել Սանչեսն է: Ռաուլը «Ռեալի» խորհրդանիշ աստղերից էր 1994-2010 թվականներին՝ դառնալով Իսպանիայի վեցակի չեմպիոն, քառակի սուպերգավաթակիր, Չեմպիոնների լիգայի եռակի գավաթակիր, Եվրոպայի սուպերգավաթակիր, Միջմայրցամաքային գավաթի կրկնակի հաղթող:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։