«Բարսելոնայի» բրազիլացի հարձակվող Նեյմարն իր ընկերներին հայտնել է, որ տեղափոխվում է ֆրանսիական ՊՍԺ, գրում է Globo Esporte-ը:
Աղբյուրը Բրազիլիայի հավաքականի 25-ամյա ֆուտբոլիստի տրանսֆերի հավանակությունը գնահատում է 50-50:
«Բարսելոնան» մտադիր չէ բանակցել Նեյմարի տեղափոխության հարցով, այդ պատճառով ՊՍԺ-ն պետք է վճարի պայմանագրում ամրագրված 222 միլիոն եվրո տրանսֆերային արժեքը։
Ֆրանսիական ակումբը մտադիր է նաեւ բարձրացնել բրազիլացի հարձակվողի աշխատավարձը: Տրանսֆերում կարող է մեծ դերակատարում ունենալ ֆրանսիական ակումբի բրազիլացի նորեկ Դանի Ալվեսը:
Ավելի վաղ «Բարսելոնայի» փոխնախագահ Ժորդի Մեստրեն հերքել էր Նեյմարի հեռանալու մասին լուրերը, իսկ ֆուտբոլիստը նախօրեին հանդես էր եկել հայտարարությամբ՝ նշելով, որ երջանիկ է կատալոնական ակումբում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։