«Բանանցը» գոլառատ խաղում հաղթել է Թբիլիսիի «Լոկոմոտիվին», «Արարատը» պարտվել է «Էստեղլալին»

Վրաստանում հավաք անցկացնող Երեւանի «Բանանցը» ստուգողական խաղում մրցել է Թբիլիսիի «Լոկոմոտիվի» հետ եւ հաղթել 4:3 հաշվով: «Բանանցի» կազմում մեկական անգամ աչքի են ընկել Նենադ Ինյացը, Ղուկաս Պողոսյանը, Վահագն Այվազյանն ու Մատվեյ Գույգանովը: Առաջին խաղակեսից հետո հայկական ակումբը հաղթելիս է եղել 3:0 հաշվով: Ընդմիջումից հետո վրացիներին հաջողվել է հավասարեցնել հաշիվը, սակայն «Բանանցը» կարողացել է խփել նաեւ հաղթական գոլը:

Երեւանի «Արարատն» Ավանի ֆուտբոլային ակադեմիայում 1:2 հաշվով պարտվել է Թեհրանի «Էստեղլալին»: Իրանական ակումբը 2 գոլերն էլ խփել է առաջին խաղակեսում, իսկ «Արարատից» ընդմիջումից հետո հաշիվը կրճատել է Արգիշտի Պետրոսյանը: