Ռուսլան Կորյան. Ես 100 տոկոսանոց հայ եմ

Ֆուտբոլի Հայաստանի հավաքականի եւ «ԲՄԱ-Խաբարովսկի» հարձակվող Ռուսլան Կորյանը ռուսական ակումբի կայքի հետ հարցազրույցում խոսել է իր հայկական արմատների մասին:

Ձեր ազգանունը հայկական է, իսկ անունը՝ ոչ այնքան: Դուք հա՞յ եք, թե ոչ ամբողջությամբ:

Այդ ինչպե՞ս՝ ոչ ամբողջությամբ: Ես 100 տոկոսանոց հայ եմ:

Եթե այդպես, ապա Ռուսլան Կորյանը պետք է կարողանա խորոված պատրաստել:

Եվ տաքսի վարել, այո: Իրականում, յուրաքանչյուր հայ սիրում է ուտել խորոված, բայց ոչ պատրաստել: Թեեւ՝ որպես կանոն, բոլոր հայ տղամարդիկ կարող են միս պատրաստել բաց կրակի վրա: Երեւանը գեղեցիկ է, իսկ շուրջը սարեր են:

Դուք մեկնում եք Հայաստան՝ Ձեր նախնիների հայրենիք, ազգային հավաքականի համար: Ի՞նչ լեզվով են հաղորդակցվում թիմում:

Գրական հայերենով:

Կա՞ն հայերենի այլ տարբերակներ:

Այո, Սոչիի հայերը խոսում են իրենց բարբառով: Դրանում շատ են թուրքական բառերը եւ դա իմ ժողովրդի վերապրած Ցեղասպանության հիշատակն է: Սոչիի հայերի մեծամասնությունը Թուրքիայի փախստականներն են: Թուրքիայում ցանկանում էին ոչնչացնել ինչպես հայ ժողովրդին, այնպես էլ ազգը: Ռոստովի հայերի բարբառն այլ է: Յուրահատուկ բարբառ ունեն այն հայերը, որոնք ապրել կամ ապրում են Լեռնային Ղարաբաղում:

Գրական հայերենը դա այն լեզուն է, որը միավորում է իմ ազգը: Հայերը հրեաների եւ չինացիների պես ապրում են ամբողջ աշխարհում: Հայերեն խոսում է մոտ 7 միլիոն մարդ: Արգենտինայի հայկական համայնքում կա 130 հազար մարդ: Սիմոնյան եղբայրները ամենաազդեցիկ ֆուտբոլային գործակալներից են Հարավային Ամերիկայում: ԱՄՆ-ում կան միլիոնավոր հայեր, իսկ Անգլիայում՝ 20 հազար:

Հաճա՞խ եք լինում ձեր հայրենի Սոչիում:

Ավելի քիչ, քան կցանկանայի: Ես գնահատեցի Հեռավոր Արեւելքը, որտեղ ընտանիքս երկրորդ տարին ապրում է Խաբարովսկում: Կինս այս ամառ նույնիսկ չի հեռացել քաղաքից: Կարոտում եմ Սեւ ծովը: