Ջեյմս Հարդենը կնքեց NBA-ի պատմության ամենաթանկ պայմանագիրը
21:12 9 հուլիսի, 2017«Հյուսթոնի» ամերիկացի բասկետբոլիստ Ջեյմս Հարդենը 4 տարով երկարաձգել է Տեխասը ներկայացնող ակումբի հետ գործող պայմանագիրը: Նոր պայմանագիրը նախատեսված է մինչեւ 2023 թվականը, հայտնում է ակումբի կայքը:
BBC-ի համաձայն՝ առաջիկա 6 տարում 27-ամյա պաշտպանը ստանալու է 228 միլիոն դոլար աշխատավարձ, ինչը նշանակում է, որ դա կլինի Բասկետբոլի ազգային ասոցիացիայի (NBA) պատմության ամենաթանկ պայմանագիրը: Այդ ցուցանիշով նախորդ ռեկորդը պատկանում էր «Գոլդեն Սթեյտի» խաղացող Ստիվեն Կարին, որը հուլիսի 1-ին կնքել է 201 միլիոն դոլարանոց 5 տարվա պայմանագիր:
NBA-ի այս մրցաշրջանում Ջեյմս Հարդենը մասնակցել է 81 խաղի, իսկ նրա միջին արդյունավետությունը կազմել է 28,5 միավոր: Նա ընդգրկվել էր նաեւ այս մրցաշրջանի ամենաարժեքավոր խաղացողների լավագույն եռյակում, սակայն մրցանակը բաժին հասավ «Օկլահոմայի» առաջատար Ռասել Ուեստբրուկին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։