ՖԻՖԱ. Ֆուտբոլային աշխարհը կորցրեց իր ամենախիզախ երկրպագուներից մեկին
10:04 8 հուլիսի, 2017ՖԻՖԱ-ն ցավակցել է անգլիական «Սանդերլենդի» 6-ամյա երկրպագու Բրեդլի Լոուրիի մահվան կապակցությամբ: Երեխան երկու տարի պայքարում էր քաղցկեղի դեմ:
«Ֆուտբոլային աշխարհը կորցրեց իր ամենախիզախ երկրպագուներից մեկին: Հանգչիր խաղաղությամբ, Բրեդլի Լոուրին»,- ասվում է ՖԻՖԱ-ի պաշտոնական թվիթերյան էջում:
Երեխայի մահվան կապակցությամբ ցավակցել են նաեւ անգլիական Պրեմյեր լիգան, բազմաթիվ ֆուտբոլային ակումբներ Անգլիայից եւ այլ երկրներից:
Նախորդ երկու տարիներին ֆուտբոլիստների եւ երկրպագուների աջակցության շնորհիվ երեխայի բուժման նպատակով հանգանակվել էր մոտ 800 հազար ֆունտ ստերլինգ:
Բրեդլին ընկերացել էր «Սանդերլենդի» նախկին հարձակվող Ջերմեյն Դեֆոյի հետ եւ այս տարվա մարտին նրա հետ դուրս էր եկել խաղադաշտ Անգլիայի հավաքականի մասնակցությամբ աշխարհի առաջնության ընտրական խաղից առաջ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։