Արթուր Աբրահամ - Քրիս Յուբենք մենամարտի հաղթողը կդառնա World Boxing Super Series-ի մասնակից
15:02 7 հուլիսի, 2017Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամի (46-5-0, 30 նոկաուտ) եւ բրիտանացի Քրիս Յուբենք կրտսերի (24-1-0, 19 նոկաուտ) միջեւ մենամարտի հաղթողը կդառնա Բռնցքամարտի համաշխարհային սուպերսերիայի մասնակից, հայտնում է կազմակերպության կայքը:
World Boxing Super Series-ը 50 միլիոն դոլար մրցանակային հիմնադրամով մրցաշար է, որը մեկնարկելու է այս տարվա սեպտեմբերին: Մրցաշարին կմասնակցեն 2 քաշային կարգերի 8 առաջատար բռնցքամարտիկներ: Մասնակիցների թվում են նաեւ Ջորջ Գրոուվսը, Կալում Սմիթը, Յուրգեն Բրեմերը, Էրիկ Սկոգլինգը, Ջեյմի Կոքսը, Այվին Յիլդիրիմը եւ Ռոբ Բրանտը:
Հիշեցնենք, որ 37-ամյա Աբրահամի եւ 27-ամյա Յուբենքի միջեւ մենամարտը կկայանա հուլիսին 15-ին Լոնդոնի «Ուեմբլի» ստադիոնում: Կվիճարկվի IBO վարկածով աշխարհի չեմպիոնի տիտղոսը, որը պատկանում է Քրիս Յուբենքին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։