Գարի Կասպարովը 12 տարվա դադարից հետո կվերսկսի կարիերան եւ կխաղա նաեւ Լեւոն Արոնյանի հետ
00:30 6 հուլիսի, 2017Շախմատի աշխարհի 13-րդ չեմպիոն Գարի Կասպարովը կմասնակցի ԱՄՆ-ի Սենթ Լուիս քաղաքում անցկացվելիք Grand Chess Tour-ի հերթական փուլին: Արագ եւ կայծակնային խաղի մրցաշարը տեղի կունենա օգոստոսին: 54-ամյա Կասպարովն ընդունել է կազմակերպիչների հատուկ հրավերը:
«Շատ հուզիչ է վերադառնալ մեծ սպորտ 12 տարի անց: Ես չէի մտածում, որ դա տեղի կունենա այսքան տեւական դադարից հետո: Ինձ համար պատիվ է վերսկսել կարիերաս հենց Սենթ Լուիսում»,- Կասպարովի խոսքը մեջբերում է մրցաշարի պաշտոնական կայքը:
Սենթ Լուիսի մրցաշարում Կասպարովի մրցակիցները կլինեն Հայաստանի հավաքականի առաջին համար Լեւոն Արոնյանը, ամերիկացիներ Հիկարու Նակամուրան ու Ֆաբիանո Կարուանան, ռուսաստանցիներ Սերգեյ Կարյակինն ու Յան Նեպոմնյաշչին, հնդիկ Վիշվանաթան Անանդը, չեխ Դավիդ Նավարան, կուբացի Լենիեր Դոմինգեսը եւ վիետնամցի Լե Կուան Լիեմը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։