Ուիմբլդոն. Կարեն Խաչանովի հաղթական մեկնարկը

Ռուսաստանի առաջին ռակետ Կարեն Խաչանովը (30) հաղթանակով է մեկնարկել Ուիմբլդոնի մրցաշարում՝ «Մեծ սաղավարտի» չորս մրցաշարերից երրորդը: Առաջին շրջանում մոսկվացի հայ մարզիկը հանդիպել է ռուսաստանցի Անդրեյ Կուզնեցովի հետ եւ առավելության է հասել հինգ սեթում՝ 7:6 (7:4), 2:6, 6:3, 1:6, 6:2: Պայքարը տեւել է 2 ժամ 34 րոպե:

Երրորդ շրջանի ուղեգրի համար Կարեն Խաչանովը կմրցի բրազիլացի Տիագո Մոնտեյրոյի հետ, որը պարտության է մատնել ավստրալացի Էնդրյու Ուիթինգթոնին:

Հաղթանակով է մեկնարկել նաեւ աշխարհի առաջին ռակետ Էնդրյու Մարեյը: Բրիտանացին պաշտպանում է անցած տարի նվաճած տիտղոսը եւ առաջին շրջանում 6:1, 6:4, 6:2 հաշվով պարտության է մատնել Ղազախստանի ներկայացուցիչ Ալեքսանդր Բուբլիկովին: Մարեյի հաջորդ մրցակիցը կլինի գերմանացի Դաստին Բրաունը: