Պոգբա. Այո, «Մանչեսթեր Յունայթեդը» աշխարհի վատագույն թիմն է
15:14 30 հունիսի, 2017«Մանչեսթեր Յունայթեդի» եւ Ֆրանսիայի հավաքականի կիսապաշտպան Պոլ Պոգբան պատասխանել է անգլիական ակումբին քննադատողներին:
«Այո, մենք աշխարհի վատագույն թիմն ենք, բայց մենք ունենք 3 տիտղոս, այդ պատճառով մարդիկ կարող են ասել այն ամենը, ինչ ցանկանում են: Արդյո՞ք մենք վատագույնն ենք: Խնդիր չկա, ես համաձայն եմ: Ես ոչինչ չեմ արել, մենք ոչինչ չենք արել: Բայց «Մանչեսթեր Յունայթեդը» նվաճել է 3 տիտղոս: Դա այն է, ինչ ես գիտեմ, եւ դա ունի նշանակություն: Կարելի է ցուցադրել հրաշալի ֆուտբոլ, բայց ոչինչ չհաղթել, եւ ո՞վ է հիշելու դա»,- Պոգբայի խոսքը մեջբերում է Esquire.com-ը:
Հիշեցնենք, որ այս մրցաշրջանում «Մանչեսթեր Յունայթեդը» հաղթեց Եվրոպայի լիգայում, դարձավ Անգլիական լիգայի գավաթակիր ու սուպերգավաթակիր: Եվրոպայի լիգայում հաղթանակը անգլիական ակումբին տվեց նաեւ Չեմպիոնների լիգայի խմբային փուլում հանդես գալու իրավունք:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.